Sumarhús

Nýtt og glæsilegt heilsárshús að Háafelli í Dölum. Húsið er um 100 m2 og er byggt í burstabæjarstíl. Í miðju burstinni sem er um 45 m2 er mjög vel búið eldhús með ísskáp m/frysti, spanhelluborði, bakaraofn, örbylgjuofn , uppþvottavél og svo stofa með góðum svefnsófa fyrir 2. Rúmgóð svefnherbergin eru 2 og hvort um sig með svölum og sér baðherbergi með sturtu. Þriðja baðherbergið er einnig með sturtu og þar er þvottavél.

Mjög fallegt útsýni er yfir Hvammsfjörðinn og sólarlagið einstakt. Fínar gönguleiðir á fjöllin hér við túnfótinn.

Þetta er góður staður til að dvelja á ef fólk vill skoða það sem Dalirnir hafa uppá að bjóða en einnig er stutt í Borgarfjörðinn, út á Snæfellsnes og norður í Húnavatnssýslur og jafnvel á Vestfirði.

Sveitahótelið Heydalur er í 130 km fjarlægð frá Ísafirði og 320 km - 340 km fjarlægð frá Reykjavík eftir því hvaða leið er valin. Veitingasalur, sem er í gamalli hlöðu, rúmar 70 - 100 manns og fundaraðstaða er fyrir 10 - 40 manns. Boðið er upp á gistingu fyrir 59 manns í átta tveggja manna og einu þriggja manna herbergi í flokki 3 og átta tveggja manna og tveimur þriggja manna herbergjum í flokki 4 öll með sér baðherbergjum ásamt þremur sumarbústðum, annars vegar 10 manna og hins vegar 4 - 5 manna. Gott tjaldsvæði sem er opið frá 1. júní fram í októberlok.

Gnægð afþreyingar er í boði. Lítil sundlaug í suðrænu gróðurhúsi, heitur frumlegur pottur og náttúrulaug vígð af Gvendi góða. Kajak og hestaleiga með leiðsögn við allra hæfi, bæði styttri ferðir og dagsferðir. Veiði í vötnum. Á veturna snjóþrúgur og gönguskíði. Falleg gönguleið um dalinn sem eitt sinn hýsti 13 bæi. Friðaður birkiskógur. Fjólbreytt fuglalíf og plöntugróður. Fugla og plöntuspjöld eru til fróðleiks.

Veitingasalurinn er öllum opinn. Boðið er upp á fjölbreyttan matseðil, þar sem áhersla er lögð á mat úr héraði, heimaræktuðu grænmeti og nýveiddan silung úr eigið eldi. Veitingastaðurinn er með vínveitingaleyfi.

Á tjaldsvæðinu er snyrtiaðstaða með heitu vatni, þrjú kvenna og karla klósett og sturtur sitt hvoru megin. Rafmagn fyrir húsbíla og tjaldvagna. Leiksvæði bæði fyrir börn og unglinga. Frábært umhverfi til göngu og leikja í kjarrinu.

Hleðslustöð fyrir rafmagnsbíla

Gisting: 3 hús, 19 herbergi, 59 rúm

Opinn landbúnaður, frá 15. maí - 14. júní, daglega frá 13:00 til 17:00, 15. júní - 14. ágúst, daglega frá 11:00 til 18:00, 15. ágúst - 15. september, daglega frá 13:00 - 17:00 og 16. september - 14. maí samkvæmt samkomulagi.

Hópar panti fyrirfram.

Til sölu rjómaís, skyr og ostar framlett af Rjómabúinu Erpsstöðum. Fjósaskoðun, kynning á starfssemi kúabús, skoða byggingar og húsdýr með leiðsögn ábúenda.

Seld gisting í sumarhúsi, opið allt árið.

Sjá vefsíðu

Gemlufall

Tvær íbúðir eru í húsinu og mögulegt er að leigja allt húsið eða sem stakar íbúðir.

Rými er fyrir 14 -16 manns.

Íbúð 1 - 6 manns.

Íbúð 2 - 6 manns, + svefnsófi fyrir 2

Rúm eru uppábúin og handklæði fyrir gesti. Það fylgir ekki morgunverður en hægt er að panta með dagsfyrirvara morgunmat (8:00 - 9:30), nestispakka og aðrar léttari máltíðir.

Litlabyli er gistiheimili í fallegu húsi á Flateyri, byggt árið 1913 og hefur þar af leiðandi mikla sögu og góða sál. Litlabyli hefur nýlega verið gerð upp. Í húsinu eru fimm svefnherbergi og þar af eitt með sér baðherbergi.

Nú í sumar, 2020, verður húsið leigt út í heilu lagi. Hægt er að fá morgunverð ef óskað er, en þar er m.a. boðið uppá ljúfengan morgunmat með heimatilbúnum sultum, marmelaði og köku ásamt öðru góðgæti.

Vinsamlegast hafið samband vegna ferða og bókana.

Dalahyttur er fjölskyldurekið fyrirtæki sem býður upp á gistingu í 9
herbergjum, með aðstöðu fyrir allt að 27 manns.

Á staðnum eru þrjú 15m2 smáhýsi með aðstöðu fyrir allt
að þrjá í hverju húsi. Húsin eru öll útbúin tveimur 90 cm rúmum, 90 cm koju,
eldhúseiningu, baðherbergi með sturtu, WiFi og bílastæði er við hvert hús.

Þrjú hús eru útbúin með tveimur 20m2 herbergjum með aðstöðu fyrir
allt að 3 í hverju herbergi. Sér inngangur er í hvert herbergi utan frá. Í
hverju herbergi er 160 cm rúm og 140 cm svefnsófi, baðherbergi með sturtu,
hægindastóll, kaffi og te aðstaða, WiFi og bílastæði fyrir hvert herbergi er
við húsin.

Móttaka og veitingahús eru í nýuppgerðum bragga á svæðinu. Matseðillinn er ekki stór en á honum reynum við að hafa eins mikið af heimasvæðinu og við getum. Ef þú hefur einhverja góða hugmynd að veislunni þinni, ekki hika við að spyrja okkur, við erum alltaf til í eitthvað nýtt og reynum eftir fremsta megni að koma til móts við gesti.

Frá húsunum
getur þú notið útsýnis yfir fjöllin, dalinn og Hörðudalsá. Ef norðurljósin láta
sjá sig er tilvalið að sitja úti á verönd og njóta.

Staðsetning Dalahyttna er góð til að njóta bæði friðar og ferðalaga.
Stutt er í allar áttir. Við erum í um klukkutíma akstursfjarlægð frá
Stykkishólmi, Borgarnesi, Hólmavík og Hvammstanga og er staðsetningin því
þægileg til dagsferða um Snæfellsnes, Borgarfjörð, Strandir, Húnaþing og
sunnanverða Vestfirði.

Fyrir bókanir, vinsamlegast hafið samband í síma 869 8778 eða netfangið gudrun@dalahyttur.is.

Seljaland í Hörðudal er tilvalinn staður fyrir litla hópa. Þarf að panta með fyrirvara með því að hringja í síma 434 1116 / 894 2194 eða senda tölvupóst á seljaland@seljaland.is

Aðstaðan er: Þrjú smáhús þar sem 2 geta sofið í hverju. Íbúar smáhýsanna nýta sameiginlega hreinlætisaðstöðu sem er í tveim sérstökum smáhýsum. Hreinlætisðastaðan deilist með tjaldsvæði.

Fjárhúsin hafa verið endurbyggð að hluta og þar útbúin skáli með tveim stórum herbergjum þar sem 2-3 geta gist. Þar er einnig lítill veitingastaður með vínveitngaleyfi sem tekur 20-25 manns í sæti.

Séu lítil ættarmót eða hópar með gistiaðstöðuna og tjaldstæðið geta þeir matast í hlöðunni sé vont veður.

Það eru kola og gasgrill á staðnum.

Vinsamlegast hafið samband vegna verðlista og bókana.