Bátaferðir

Vesturferðir

Ef Vestfirðir eru áfangastaðurinn þá erum við þjónustuaðilinn sem þig vantar. Við erum staðsett á Ísafirði og sjáum um sölu og bókanir í alla afþreyingu, dagsferðir, bátaáætlun til Hornstranda og lengri ferðir sem í boði eru á svæðinu.

Vinsælustu dagsferðirnar okkar eru Vigurheimsókn og heimsókn til yfirgefna þorpsins Hesteyrar. Einnig kjósa margir að fara í hestaferðir, hvalaskoðun, leigja kayak eða hjól eða fara í jeppaferð. Hér er margt í boði og hægt að kynna sér ferðirnar á heimasíðu okkar www.vesturferdir.is.

Sala farmiða í Hornstrandabáta
Hornstrandir eru ekki í alfaraleið og til að komast þanngað þarf að ferðast með bát.Vesturferðir selja miða í áætlunarferðir til friðlandsins frá Ísafirði með Sjóferðum og Borea Adventure. Við leggjum mikla áherslu á að bátarnir og fyrirtækin sem við vinnum með séu með öll tilskilin leyfi.

Við bjóðum hópum margskonar þjónustu, allt frá stuttum bæjarferðum með leiðsögn heimamanna til margra daga gönguferða með leiðsögn um Hornstrandir. Við hvetjum þig til að hafa samband við okkur og við setjum saman sérsniðið ferðatillögu og verðtilboð.

Borea Adventures

Borea Adventures á Ísafirði býður upp á ævintýraferðir með leiðsögn fyrir minni og stærri hópa.

Fyrirtækið á og rekur hraðbátinn Bjarnarnes sem flytur allt að 18 farþega í skipulögðum ferðum og sérferðum um Hornstrandir, Jökulfirði og Ísafjarðardjúp. Borea Adventures býður upp á ýmsar ferðir um friðlandið, þar sem gist er í tjöldum, tjaldbúðum í Hornvík eða í nýuppgerða eyðibýlinu á Kvíum í Jökulfjörðum.

Borea Adventures býður upp á fjölbreytt úrval lengri ferða, sem og dagsferða út frá Ísafirði. Kayakferðir um ævintýralega firði Hornstranda og Jökulfjarða, fjölbreyttar göngur um Hornstrandir og nágrenni Ísafjarðar, skíðaferðir, fjallahjólaferðir og náttúruupplifanir. Einnig eru í boði sérferðir, sérsniðnar að þörfum þeirra sem okkur vilja heimsækja.

Borea Adventures býr að einvala liði reynslumikilla og skemmtilegra leiðsögumanna, sem tryggja það að allir fari heim með bros á vör.

Ísafjörður Guide - Helga Ingeborg Hausner

Eitthvað sérstakt - Nature and Cultural Walks with a view of Ísafjörður

Ísafjarðarganga - Áhugaverð ferð í gegnum tímann

Leiðsögukonan er klædd eins
og fiskverkakona frá 19. öld og leiðir ykkur í gegnum bæinn og upp í hlíðina fyrir
ofan Ísafjörð. Hún sýnir áhugaverða staði, gefur innsýn inn í sögu Ísafjarðar
og segir sögur og sagnir bæði úr fortíð og nútíð. Það eru sögur um vættir okkar
eins og álfum, tröllum og draugum. Leiðsögukona skiptir nestinu sínu með gestum.
(2 klst.)

Ef þú vilt fá innsýn í sögu Ísafjarðar og heyra fleiri sögur og sögur um fólkið, drauga, álfa, tröll og aðrar dulrænar verur forna og nútíma Álfar, tröll og sögur (2 tímar), væri réttur ganga fyrir þig. Einnig er gangan án hæðarmunar.

Í lok þessar tvær ferðar er gefinn kostur á því að lengja ferðina um:

Into Nature (1 hour)

Traditional Tasting (20 min.)

Vistit the Church (20 min)

Aðrir gönguferðir eru:

Jarðsögu og jarðfræði (3 klst.)
Gróður Vestfjarða eða Haustlitir (3 klst.)

Náttúruganga (5 klst.)
Komdu að smakka (3,5 klst.)

Persónuleg leiðsögn skv.
beiðni

Vinsamlegast hafið samband vegna ferða og bókana.

Hveravík/Söngsteinn !

Hveravík er lítil ferðaþjónusta við samnefnda vík á norðanverðum Steingrímsfjörður. Uppbygging á svæðinu hófst árið 2017 og nýtir starfsemin heitt vatn í eigu jarðarinnar.

Á Hveravík er rekið lítið en vel búið tjaldsvæði, opið allt árið, með plássi fyrir 20-30 ferðabíla og tjöld. Þar er rafmagnstenging, snyrtiaðstaða, sturtur og heitur pottur með útsýni yfir fjörðinn. Gestaaðstaðan Söngsteinn býður upp á inniaðstöðu til að borða og fullbúið eldhús.

Yfir sumartímann er boðið upp á kajakleigu og hvala-, fugla- og náttúruskoðun í Steingrímsfirði, þar sem stutt er á miðin og sjór oft lygn. Á jörðinni er einnig gróðurhús, auk hesta og hæna sem hafa vakið ánægju meðal gesta.

Beffa Tours / Harbour Inn Guesthouse

Hjá Beffa Tours er boðið upp á siglingu um Arnarfjörð, sem er með fallegri fjörðum landsins. Í firðinum hefur hnúfubakur komið sér fyrir til sumardvalar okkur til mikillar ánægju og er boðið upp á daglegar ferðir í hvalaskoðun á föstum tímum yfir sumarið, en eftir samkomulagi þess utan. Einnig er boðið upp á ferðir í sjóstöng, þar sem gestum er velkomið að taka aflann með sér heim.

Báturinn rúmar allt að 7 farþega og er gestum velkomið að upplifa sjávarniðinn á dekkinu eða koma sér fyrir inni í hlýjunni hjá skipstjóranum og heyra hann ausa úr viskubrunni sínum. Hægt er að bóka bátinn í prívatferðir, tilvalið fyrir fjölskyldur og vinahópa.

Hvalaskoðun:
20. júní- 20. ágúst: daglega kl. 08:30 og 19.30, lengd ferðar 2 klst.
20. ágúst- 31. október: brottför eftir samkomulagi, lengd ferðar 2 klst.

Sjóstangveiði:
Sérferðir er hægt að bóka á heimasíðu eða í síma.

Prívatferðir, náttúruskoðun og skutl:
Hægt að bóka með tölvupósti eða í síma.

Vinsamlegast hafið samband vegna ferða og bókana.

Gistiheimilið Malarhorn

Á gistiheimilinu Malarhorni er boðið upp á að leigja hús með 4 svefnherbergjum og eldhúsi (hús nr. 2), tveggja manna herbergi með snyrtingu og sturtu í 10 herbergja húsi (hús nr. 1),
íbúð með aðgengi fyrir fatlaða, fjölskylduherbergi og lúxusherbergi, 27 fm hvort (hús nr. 3).

Veitingahúsið Malarkaffi er rekið á sama stað, auk þess sem boðið er upp á siglingar út í eyjuna Grímsey, þar sem hægt er að njóta fjölskrúðugs fuglalífs yfir sumartímann. Einnig er möguleiki á sjóstangveiði.

Westfjords Adventures

Vinsamlegast hafið samband vegna ferða og bókana.

Opnunartímar;

Mán - Fös 08:00 - 17:00

Lau + Sun 10:00 - 12:00

VHF ehf.

VHF Expeditions býður upp á einstakar sjó- og landleiðangra á afskekktum slóðum á norðurslóðum, með áherslu á Jökulfirði, Hornstrandir og Grænland. Ferðirnar sameina siglingu, göngur, fjallaskíði, náttúruupplifun og sögu svæða þar sem byggð hefur horfið en náttúran fengið að ráða för.

Um borð í seglbátnum Aurora ferðast gestir um svæði sem erfitt er að nálgast á annan hátt. Báturinn verður bæði samgöngumáti og heimili á meðan á ferð stendur, þar sem gist er um borð, máltíðir eru bornar fram og dagarnir mótast af veðri, aðstæðum og möguleikum hvers staðar.

Ferðir VHF Expeditions henta fólki sem vill upplifa ró, víðerni og sterka tengingu við náttúruna. Á Vestfjörðum er siglt um Jökulfirði og Hornstrandir, þar sem gengið er milli fjarða, farið um gamlar slóðir og kynnst sögu yfirgefinna byggða. Á veturna bjóðast skíða- og siglingaferðir þar sem fjallaskíði eru stunduð í afskekktu landslagi og ótroðnum brekkum. Í Grænlandi býður félagið upp á leiðangra um Sermilik-fjörð, þar sem ísjakar, túndra, dýralíf og menning Inúíta mynda einstaka umgjörð.

Öryggi og upplifun gesta eru ávallt í forgangi og ferðaáætlanir geta breyst eftir veðri og aðstæðum. Það er hluti af upplifuninni að ferðast með virðingu fyrir náttúrunni og aðlagast þeim aðstæðum sem norðurslóðir bjóða upp á. Ferðirnar eru almennt ætlaðar litlum hópum og skapa náið, persónulegt andrúmsloft þar sem gestir fá tíma til að njóta landslagsins, kyrrðarinnar og sögunnar sem svæðin geyma

Wild Westfjords

Við bjóðum uppá sérsniðnar pakkaferðir á Vestfjörðum.

Einnig þá bjóðum við gott úrval af dagsferðum fyrir ferðamenn á Vestfjarðaleiðinni sem og skemmtiferðaskipafarþega.